Ceuk paribasa yen "Basa teh ciciren bangsa". Atuh geus jadi kawajiban pikeun urang, hususna urang Sunda pikeun ngarumat basana sangkan teu luntur ku waktu teu laas ku jaman tetep ajeg ti generasi ka generasi. Basa Sunda miboga fungsi sosial, salian ti alat komunikasi teh oge pikeun ngebrehkeun rupa-rupa peta jeung polah nu didadasaranan ku silih ajenan antar anggaota masarakatna. Unggah-ungguh basa Sunda mah miboga tata aturan nu tangtu nu sok diistlahkeun "Undak-usuk Basa".
Naon ari undak-usuk basa teh? Sacara basajan mah dihartikeun ngagunakeun basa dumasar situasina. Aya situasi ngagunakeun basa akrab (teu hormat) jeung aya situasi ngagunakeun basa hormat. Tapi oge sakapeung sok aya situasina ngagunakeun basa nu kasar pisan.
Tidak ada komentar:
Posting Komentar